ข่าว 27.08.2018

ក្រុមជម្រើសជាតិអាហ្សង់ទីនបានឡើងទៅវគ្គ ១៦ក្រុមចុងក្រោយទាំងត្រដាបត្រដួស ក្រោយយកឈ្នះនីហ្សេរីយ៉ា ក្នុងលទ្ធផល ២ទល់នឹង១ ដែលធ្វើឲ្យក្រុមមួយនេះឈលេខ២ មាន៤ពិន្ទុរ ខណៈក្រូអាតឈលេខ១មាន៩ពិន្ទុរពេញ ក្រោយឈ្នះ អ៊ីស្លង់ ២ទល់នឹង១ ក្នុងប្រកួតបិទពូល ។

ចាប់ផ្តើមការប្រកួតដ៏រន្ធត់ អាហ្សង់ទីនហាក់ដាក់សំពាតច្រើនដើម្បីទាមទារគ្រាប់បាល់ជ័យជំនះ រហូតដល់នាទីទី 14 ដោយកីឡាករឆ្នើមរបស់អាហ្សង់ទីន Lionel Messi ។ ដែលនេះជាគ្រាប់បាល់ទី១របស់ខ្លួន ព្រមទាំងជាគ្រាប់បាល់ទី១០០ ក្នុងព្រឹត្តិការណ៍ World Cup ២០១៨ នេះផងដែរ ។ ក្រោយនាំមុខបាន១គ្រាប់អាហ្សង់ទីននៅតែបន្តរសម្រុកតែមិនបានសម្រេច រហូតដល់ចប់តង់ទី១លទ្ធផល រក្សាត្រឹម ១ទល់នឹង០ ។

ចូលដល់ដើមតង់ទី២ ក្រុមនីហ្សេរីយ៉ាមានឱកាស់ទទួលបានបាល់ Penalty តាមស្មើមួយគ្រាប់ក្រោយពីខ្សែការពារ Mascherano បង្ករកំហុសនៅតំបន់គ្រោះថ្នាក់ ។

ក្រោយនីហ្សេរីយ៉ាតាមបានស្មើ អាហ្សង់ទីនបន្តរសម្រុកបន្ថែមទៀត រហូតដល់ចុងតង់ទី២ តារាសំណាង Marcos Rojo កាប់មួយជើងចូលទី នៅនាទីទី ៨៦ ។ ចប់ការប្រកួតលទ្ធផល អាហ្សង់ទីន ២-១ នីហ្សេរីយ៉ា ដែលធ្វើឲ្យក្រុមជម្រើសជាតិអាហ្សង់ទីនទទួលបាន ៣ពិន្ទុរបន្ថែមឡើងឈលេខ២ ឡើងទៅវគ្គ១៦ក្រុមជាមួយក្រូអាត ៕