ចាញ់​​យប់មិញ Real Madrid ​នឹង​បណ្ដេញ Julen ​ចេញ ​ហើយ​យក Conte មក​ជំនួស

ក្រុម Real Madrid ​បាន​បរាជ័យ​ធ្ងន់​ករ​កាល​ពី​យប់មិញ ​ក្រោម​ថ្វី​ជើង​របស់ FC Barcelona ​ក្នុង​លទ្ធផល ៥-១ ​ពាន​រង្វាន់ La Liga ​។លេង​នៅ​ទឹក​ដី Barcelona ​ក្រុម Real Madrid ​ពិត​ជា​មិន​អាច​ធ្វើ​អ្វី​បាន​ឡើយ ​ក្រៅ​ពី​រង​សម្ពាធ ​និង​គេ​រក​គ្រាប់​បាល់​បាន​ដល់​ទៅ​៥​គ្រាប់។ បរាជ័យ​នេះ ​បាន​ធ្វើ​ឱ្យ​ប្រធាន​ក្លឹប​បាន​សម្រេច​ចិត្ត​ហើយ​ថា ​នឹង​បណ្ដេញ​លោក Julen ​ចោល​ហើយ​នៅ​ថ្ងៃ​ចន្ទ​នេះ ​ហើយ​នឹង​មាន​កា​ប្រកាស​ជា​ផ្លូវការ​មួយ​ក្នុង​ការ​តែងតាំង​អ្នក​ចាត់ការ​ថ្មី។បេក្ខភាព​ឈាន​មុខ​គេ ​និង​ត្រូវ​បាន​គេ​គិត​ថា​ច្បាស់​១០០%​នោះ គឺ​លោក Conte ​អតីត​អ្នក​ចាត់ការ​ក្រុម Chelsea ​។ ព្រោះ​ថា​បច្ចុប្បន្ន​នេះ ​លោក​មិន​ទាន់​មាន​ការងារ​ធ្វើ​នៅ​ឡើយ​ទេ ​ក្រោយ​ពី​ក្លឹប​នៅ​អង់គ្លេស​បណ្ដេញ​ចេញ។ មាន​ប្រភព​នៅ​អ៊ីតាលី ​បញ្ជាក់​ថា​ការ​ចរចារ​របស់​ក្រុម Real Madrid ​និង Conte ​ត្រូវ​គ្នា​អស់​ហើយ ​នៅ​ចាំ​តែ​ពេល​ប្រកាស​ផ្លូវការ​និង​ធ្វើ​សន្នីសីទ​កាសែត​ប៉ុណ្ណោះ៕ប្រភព៖Sabay News Sport